Wednesday, January 28, 2009

اعمل ايه؟



كنت فكراك جاي تقولي بحبك ونفسي افضل جمبك

بس ياخساره طلعت بحلم وياريتني فضلت احلم

جاي تحكيلي عليها وتقولي ايه رأيك فيها

هي عارفه انك قريبه مني وطبعا هتحكيلها عني

قوليلها اني معجب بيها وبموت في سواد عنيها

اعمل ايه

اروح واقولها اللي قالي عليه

ولا اقوله اني مش هقدر دا انا من زمان وانا بفكر

انك هاتيجي وتقولهالي وساعتها تريح بالي

لأ بلاش اخيره وليه احيره

هروح واقولها علي حبه ليها وانه مغرم بسواد عنيها

بس ازاي هيجيلي قلب بعد ماقولت خلاص هحب

يعني كان اقرب منه طب ازاي هحكيلها عنه

بس لازم افرح ليه واتمني توافق عليه

عشان قلبه مينكسرش وساعتها انا مستحملش

اشوفه تايه وحزين وبيضحك كل فين وفين

صدقيني دا بيحبك ونفسه يفضل جمبك

ومابيفكرش غير فيكي وبيموت في سواد عنيكي

اكيد هتحبيه بس انتي تقربي ليه

وانتي عارفه اخلاقه وطيبته وانا اضمنلك صدقه وحبه

بلاش تخسريه دا غيرك اتمنوا نظرة عنيه

16 comments:

محمد ياسر said...

ده موضوع صعب جدا اللى بتقوليه ده لا ده مستحيل كمان
مفيش واحدة بتحب اوى كده هتضحى لواحدة تانية بحبيبها و هى اللى تقولها كمان

زحل الفلكي said...

بجد
بدون مبالغة
كل كلمة موصله الاحساس اوي
اوي

أحمد عيسي said...

اكيد كل كلمة فيها الم
بس كدة احسن
بدل متتعلق بامال زائفة
وفقدان الامل بيبقي احسن كتير من الالم الزائف

تحياتي يا عبير بوست معبر قوي
وخصوصا نهايته

يلا سلام

Doba said...

حلوة قوى قوى قوى اللى انتى كاتباه ده
تحياتى العميقة والله

هبة

mohamed said...

السلام عليكم
موضوع رااائع
تناولتيه بكلمات جميله وباسلوب جميل

لأ بلاش اخيره وليه احيره

هروح واقولها علي حبه ليها وانه مغرم بسواد عنيها

بس ازاي هيجيلي قلب بعد ماقولت خلاص هحب

يعني كان اقرب منه طب ازاي هحكيلها عنه
تحياتى للكلمات الجميله
اشوفك بين حروفك
سلاااااااااام

اصحى يا مصر : اسلام ديو said...

تدوينة جميلة جداً تسلمى بجد عليها
لازم الواحد يكون راضى لحبيبه بكل شئ
حتى لو كان عارف ان الشئ دا هو مش حابه
بس بدل ما حبيبه عايز كدة يبقى خلاص منندمش
ولو حتى هو مش بيحبنا اساساً
بس اهم حاجة اننا نشوفه قدام عيونا
كويس ومرتاح

تحياتى

IBN BAHYA - إبــن بهيـــــــــــــة said...

انتم حلوين أوي
أحلامكم الوردية الجميلة دي بتدغدغ مشاعر الواحد اللي شاخت من زمان وبقت الدغدغة فيها تفطس زي الزغزغة كده ويمكن تورمها كمان

يالا بقى حسن الختام

لأ مش عجوز أوي يعني .. عموما أرق تحياتي

Khaled Samer said...

برجاء زيارة منتدى احلى حب

http://www.a7la7ob.eb2a.com/

Khaled Samer said...

برجاء زيارة منتدى احلى حب

http://www.a7la7ob.eb2a.com/vb/

Khaled Samer said...

برجاء زيارة منتدى احلى حب

http://www.a7la7ob.eb2a.com/

rack-yourminds said...

بصراحه ده قدرها ولازم ترضي به
----

فيه بقي افعال طاائشه يعني ممكن واحده متهوره باقرب كباية ميه مثلجه وهترشه بيها هههه


سلامي لحضرتك

rack-yourminds said...

انا لاحظت ان التدوينه بقالها فتره طويله اتمني تكوني بخير وترجعي للتدوين

تحياتي وسلامي

كلام من قلبي said...

حلوة اوي
بجد تسلم ايدك
ومدونتك فعلا ما شاء الله خطيرة
تقبلي مروري
تحياتي

almthaly said...


شركة المثالية للتنظيف
شركة المثالية للتنظيف بالدمام
شركة المثالية للتنظيف بالخبر

almthaly said...


شركة تنظيف منازل بالقطيف
شركة تنظيف شقق بالقطيف

almthaly said...


شركة تنظيف منازل بالخبر
شركة تنظيف فلل بالخبر