من لي غيرك

من لي غيرك

فقد ولدت فكانت راحة يديك مهدي

وحبوت فكان قلبك دليلي

ومشيت فكانت عينيك طريقي

وقد صنعت من عطر شفتيك حنطي

ومن شعرك خيط كفني

واخترت قلبك ليكون قبري

فإن كانت بك هكذا بدأت حياتي

فكيف لي ان ارفض بمثل هذا الممات مماتي

ساكنة السحاب

إلي من احببتها وكتبت بقطرات دمي حرفها

يامن طعنتي القلب برمشك وعززتي النوم بوصلك

وسلبتي عمري ايامه وصغتي لعقلي احلامه

تخيلتك وجها يعانق السماء تسكنين سحابة علياء

اغضبك فتسيل دموعك امطارا ثثم تسامحينني فتصفو لي الحياة وتنبت الارض بسعادتي

حبيبتي اتتركين سحابتك وتسكنين ارضي

لن اجعلكي ملكة الارض ولكنك ستكونين ملكة قلبا عاشقا فتح لكي ابواب مملكته فتربعي عرش قلبي

ولتقبضي علي صمامه اصدري احكامك العرفية علي ساكنيه بالنفي

اعدك بان اكون لكي الراعي الامين. ان اغلق قلبي عليكي حتي حين

ان اكون في عينيك راهبا سجين. افني عمري في عشقك لو تقبلين

رباعيات فنان

ليه يا حبيبتي ما بيننا دايما سفر
ده البعد ذنب كبير لا يغتفر
ليه يا حبيبتي ما بيننا دايما بحور
أعدي بحر ألاقي غيره اتحفر
عجبي !!!

يا قرص شمس ما لهش قبة سما
يا ورد من غير أرض شب و نما
يا أي معني جميل سمعنا عليه
الخلق ليه عايشين حياه مؤلمة
عجبي !!!

يا طير يا عالي في الســــــما طظ فيك
ما تفتكرشي ربنا مصطــــــــــــــــفيك
برضـــــــــــك بتاكل دود و للطين تعًًًًودً
تمـــــــــص فيه يا حلو .. و يمص فيك
عجبي !!!


كيف شفت قلبي و النبي يا طبيــــــــــــب
همد و مات و الا سامع له دبيـــــــــــــب
قاللي لقيته مختنق بالدمـــــــــــــــــــــوع
و ما لوش دوا غير لمسه من إيد حبيب
عجبي !!!!

بحر الحياه مليان بغرقي الحياه
صرخت خش الموج في حلقي ملاه
قارب نجاه .. صرخت قالوا مفيش
غير بس هو الحب قارب نجاه
عجبي !!!

إيديا في جيوبي وقلبي طــــــــرب
سارح في غربة بس مش مغترب
و حدي لكين ونسان و ماشي كده
وبابتعد ما اعرف .. أو باقـــــترب
عجبي !!

غمست سنك في السواد يا قلـــــــــــــــم
عشان ما تكتب شعر يقطر ألــــــــــــــــم
مالك جرالك إيه يا مجنون ... و ليــــــــه
رسمت ورده وبيت و قلب و علـــــــــــم
عجبي !!!

غمض عينيك و ارقص بخفة و دلع
الدنيا هي الشابة و انت الــــــــجدع
تشوف رشاقة خطوتك تعبــــــــدك
لكن انت لو بصيت لرجليك ....تـقع
عجبي !!!

يأسك و صبرك بين إيديك و انت حر
تيأس ما تيأس الحياه راح تــــــــمر
أنا دقت مندا ومندا عجبي لقيــــــت
الصبر مر و برضك اليـأس مـــــــر
عجبي !!

يا عندليب ما تخافش من غنوتك
قول شكوتك و احكي علي بلوتك
الغنوه مش ح تموتك إنمــــــــــا
كتم الغنا هو اللي ح يموتــــــــك
عجبي !!!

عجبي علي العجب العجيب العجاب
لما الحقيقة تطل بعد احتجاب
و تروح و تحلا وفجأة تصبح مفيش
كمثل طراطيش بحر ياما خد و جاب
عجبي !!!

أنا قلبي كوكب و انطلق في المدار
حواليكي يا محبوبتي يا نور ونـــار
يلف مهمــــا يلف ما بيكتـــــــفيش
وتمللي نصه ليل و نصه نهــــــــار
عجبي !!

يا خالق الكون بالحساب و الجبر
و خالقني ماشي بلختيار و الجبر
كل اللي حيلتي زمزمية أمـــــــل
وازاي تكفيني لباب القــــــــــــبر؟
عجبي !!

جميلة الحافلة

بصعودك الحافله سلبتي القلوب

يا شمسا رقيقة ساعة الغروب

فأقبلي مني لجمالك مدحا

وقلبي ليكون مهرا

تتركين الحافلة

فهل تركتي قلبي ليكمل معي رحلتي

ام بالجمال قد فتن

وصدق وعد عين لم يكن

لن اراك ثانية

كيف؟.........................

ايها القلب انتفض

فقد جاءت ومضت

أبالوهم تتعلق

وتركض لتحتضن سهما لجدارك يخترق

فكم من اسهم انكسرت امام حصنك

وكم من قلوب انشطرت قبل اوانها وندمت

******************

البوست ده اهداء للصديق العزيز محمد ياسر مبدع مدونة خواطر نفس

http://mohamedyasser.blogspot.com/

جعلوني مدمنة

اه والله العظيم. دخلت علي مدونة لمجلة نفسنا ولقيت للمدونين فقط

قلت اشوف دخلت لقيتهم حاطين لينك لقياس درجة ادمانك

http://www.justsayhi.com/bb/blog_addiction

انا قلت اشوف يمكن اطلع مدمنه ولا حاجه. المهم دخلت وعملت الاختبار المكون من 14 سؤال وجاوبت عليهم بكل مصداقيه. قال ايه طلعت مدمنه ونسبة ادماني 80% يعني حالتي حرجه جدا ولازملي مصحة عشان اتعالج من الادمان

يلا مش مشكله هعمل ايه يعني مدمنه مدمنه.

تاج

تاج لذيذ
تاج جالي من احمد عيسي صاحب مدونة لحظات وبصراحه التاج لذيذ وده اول تاج يجيلي وميرسي يا احمد بجد


لو قالولك اختار عصر من عصور مصرعلشان تعيش فيه تختار اى عصر و فى عهد اى حاكم .. واشمعنى؟
ممكن افكر اني اعيش في عصر عمر بن عبدالعزيز واشوف ايه اللي كان بيعمله وحكامنا مش عارفين يعملوه عشان يظبطوا البلد
اول اولويه فى حياتك عيلتك ولا شغلك ولا اصحابك؟
العيله اللي فيها ناس كتيره اصحابي واصحابي وممكن شغلي يبقي قصدك بيه دراستي لا مش من اولويات لاني مهمله جدا في مسألة الدراسه
ايه اكتر حاجه بتحبها فى رمضان؟
بحب في رمضان كرمه والتجمعات العائليه الجميله
اوصف ليا اجمل فطار ممكن تفطره؟
الفطار اللي بيبقي في بيتنا واغلب عيلتنا عندنا بيبقي جميل اوي
لو انت حاكم على مجموعه من الافراد هتكون عادل؟؟ طب هتعمل ايه عشان تتأكد انك حاكم عادل؟
محبش اني ابقي حاكمه لاني هبقي دايما خايفه اظلم حد بس لو حصل وبقيت هحاول اقيم نفسي دايما
اللى بيبوظ الحكام .. نفسهم؟ ولا الشعب؟ ولا الحاشيه المقربه؟
مفيش حد بيفسد حد بس لو حواليه ناس فاسده هتساعده ان فساده يكبر ويظهر لكن هو اكيد فاسد من نفسه
مين أكتر اعلامي مصري بتحترمه؟
كتير ابراهيم عيسي وانيس منصور......ا
قريت ديوان عمر مصطفى صاحب بلوج تجربه " اسباب وجيهه للفرح" عن دار ملامح و لا لسه ؟؟ لو اه ايه رايك فيه؟
لا والله
لو ممكن تشتغل شغلانه تانيه غير اللى انت بتشتغلها او كنت بتشتغلها كنت تتمنى تبقى ايه؟
صحفيه او كاتبه
ايه تانى بلد تتمنى تعيش فيها بعد مصر؟
بحب مصر بس ممكن اسبانيا
اوصف ليا ترتيبات اجمل فرح ممكن تحضره؟؟
نفسي احضر فرح رويال
بتراعي كلام الناس والقيل والقال؟ لو اه او لو لا قول لى ليه؟
اكيد بس مش في كل الاوقات وده لاني بنوته
صحيت من النوم ما لقيتش الموبايل ولا الكمبيوتر ولا الكاميرا الديجيتال ولقيتنا رجعنا لعصر الحمام الزاجل والاحصنه هتكون سعيد؟
هو اكيد لا بس هيبقي عندي فضول اعيش العصرده
السعاده هى؟
بالنسبه ليا اني مفكرش في حاجه
عندك امل؟؟ اسبابك؟
اه اكيد عشان ربنا موجود
لما تحب تهرب من كل شئ بتروح فين؟
البحر او انام
امتى أول مره خدت فيها نفس طويل كده وقلت بينك وبين نفسك يااااه الظاهر انا فعلا كبرت؟
ليه كده دا احنا لسه في اول الطريق
لما بتعمل عمل خيرى بيكون ايه هو دافعك الاول؟
اكيد لما بعمل حاجه بتخليني ابقي مرتاحه اكتر وبتقربني لربنا اكتر
بتشرب سجاير؟ لو الاجابه اه ايه شعورك لو شفت ست بتشرب سجاير؟ وليه ؟
لا طبعا وبصراحه بحس ان اللي بيشرب سجاير شخصيته ضعيفه شويه ولما بشوف واحد بيشربها بيبقي نفسي اروح اقوله ليه
بتعرف ايدك اليمين من الشمال ازاي؟
ايدي اليمين هلبس فيها الدبله لما اتخطب ان شاء الله
ايه اكتر اله موسيقيه بتحبها؟
الكمان
رأيك ليه الذوق والنخوه اتعدموا؟
هما ندروا مش اتعدمو عشان لسه في خير
ايه الحاجه اللى لو حصلتلك تبقى سعيد قوى؟؟؟
اني احس ان ربنا راضي عني وابقي مسئوله عن اسره سعيده
تختار يبقي عندك ارض زراعيه ولا اجنس عربيات ولا كام عماره ولا فلوس في البنك؟؟
معرفش بس ممكن فوس في البنك
البحر ولا النيل؟؟
النيل عشان البحر ملوش صاحب
مركب و لا طياره؟؟
مركب
مجنون و لا عاقل؟؟
مجنونه بس بفكر بعقل
تقرأ كتاب و لا تتفرج عليه فيلم؟
اتفرج عليه فيلم بس اقراه برده
تحب بقي تمرر التاج ده لمين؟؟
اللي عايزه يتفضلو وياريت كل اللي يقراه يعتبرني بعتاهولوه

احبك

احبك فلا تتسائلي
اهاتي ستجيب فلا تتسرعي

احبك لانك اجمل زهرة رأتها عيوني

احبك لانك ارق بسمه مسحت دموعي

هل السؤال يحاورك؟

انظري الي عيني سأظل احاوطك

ساظل اصعد الي السماء واخطف نجومها
وارسم لعيناكي ارق حكاية في الحب
فاحي بها لقلب وهبها لكي حبيبتي